На покана од Управниот Одбор на Националниот борд за туризам, г-дин Филип Темелковски, координатор на Здружението за туризам и угостителство при МБСК, денес учествува на четвртиот регуларен конгрес на Националниот борд за туризам и инвестициски форум  кој се одржува во хотел Холидеј Ин-Софија.

Настанот се одржува под покровителство на премиерот на Република Бугарија, г-дин Бојко Борисов.

Заедно со бугарската влада и водечките експерти од туристичката заедница на конгресот ќе се разговара за основните прашања на туристичката индустрија меѓу кои: Бугарското претседателство на Советот на Европската унија – 2018 година и иновативните решенија во светот на дигиталните комуникациски стратегии и политики за развој на бугарскиот туризам.

Г-дин Филип Темелковски оствари средба со Министерката за туризам на Р.Бугарија, г-ѓа Николина Ангелкова, на која стана збор за заеднички проекти во обласата на туризмот и угостителството. Македонско-Бугарската стопанска комора е активен член Националниот борд за туризам на Р.Бугарија.