На иницијатива на министрите за надворешни работи на Република Северна Македонија и Република Бугарија, Бујар Османи и Николај Милков, а со поддршка на Македонско-бугарската стопанска комора и Стопанската комора на Северна Македонија, денес во Скопје се одржа Бизнис форум, на тема „До една милијарда и понатаму“.
На настанот беа организирани и панел дискусии каде активно учествуваа претставници од стопанските комори, од ресорните институции и бизнис заедницата на двете држави, со присуство на повеќе од 150 компании, а се дискутираше за теми од сферата на енергетиката, инфраструктурата, земјоделството, туризмот, ИТ и индустрискиот развој.
Во рамките на бизнис форумот беа потпишани и четири договори за соработка меѓу компании од двете земји, вредни над три милиони евра. По завршувањето на панел дискусиите македонските стопанственици имаа можност да остварат директни средби со претставниците од бугарските компании.
